Maine Public News Connect (11/2/2023): ការមកដល់នៃអ្នកស្វែងរកសិទ្ធិជ្រកកោន; សិស្សដែលមានប្រាក់ចំណូលទាប; កំណែទម្រង់បណ្តាញអគ្គិសនី; ការការពារការប្រើថ្នាំលើសកម្រិត (Copy)

Nov 2

ការមកដល់នៃអ្នកស្វែងរកសិទ្ធិជ្រកកោន

ចំនួនអ្នកស្វែងរកសិទ្ធិជ្រកកោនដែលមកដល់រដ្ឋម៉េន បានកើនឡើងយ៉ាងឆាប់រហ័សក្នុងរយៈពេលប៉ុន្មានឆ្នាំចុងក្រោយនេះ ប៉ុន្តែក្រុមផ្តល់ជំនួយនិយាយថាការខ្វះខាតនូវទិន្នន័យច្បាស់លាស់ធ្វើឱ្យពិបាកក្នុងការជួយដល់អ្នកមកដល់ថ្មី។ ចំនួនឯកសារដែលដាក់នៅតុលាការអន្តោប្រវេសន៍ អាចប្រើវាក្នុងការប៉ាន់ស្មាន ដែលបង្ហាញថាអ្នកស្វែងរកសិទ្ធិជ្រកកោនប្រហែល ៣០០០ នាក់បានមកដល់រដ្ឋម៉េន ក្នុងរយៈពេល ១២ ខែចុងក្រោយនេះ។ នេះគឺប្រហែលដប់ដងច្រើនជាងចំនួនដែលបានមកដល់ក្នុងឆ្នាំ ២០១៨។ Mufalo Chitam មកពីអង្គការ the Maine Immigrants’ Rights Coalition និយាយថា គ្មានវិធីណាដើម្បីអាចកំណត់បានថា អ្នកណាកំពុងទទួលសេវាជំនួយ ហើយអ្នកណាត្រូវការជំនួយបន្ថែមទៀត។ នាងនិយាយថា វានាំឱ្យក្រុមអង្គការមួយចំនួន ខិតខំប្រឹងប្រែងជួយមនុស្សដែលទទួលបានការជួយពីអង្គការដទៃរួចរាល់ហើយ ហើយខ្វះចន្លោះក្នុងការជួយដល់អ្នកមកដល់ថ្មីមួយចំនួនដែលកំពុងជួបផលលំបាក។ អ្នកស្រី Chitam និយាយថានាងសង្ឃឹមថាការិយាល័យម៉េនសម្រាប់ជនជាតិអាមេរិកថ្មី ដែលនៅតែស្ថិតក្នុងដំណាក់កាលរៀបចំផែនការនឹងអាចជួយផ្តល់ទិន្នន័យសរុបស្តីពី ជនអន្តោ-ប្រវេសន៍ថ្មីនៅក្នុងរដ្ឋ។

សិស្សដែលមានប្រាក់ចំណូលទាប

សាកលវិទ្យាល័យ Husson នៅ Bangor បានទទួលជំនួយពីមូលនិធិសហព័ន្ធជាង ២ លានដុល្លារដើម្បីជួយរក្សា និងគាំទ្រសិស្សដែលមានប្រាក់ចំណូលទាប។ ប្រាក់នេះនឹងត្រូវបានចំណាយក្នុងរយៈពេល ៥ ឆ្នាំខាងមុខ ហើយនឹងជួយសំរាលបន្ទុកសាកលវិទ្យាល័យក្នុងការចំណាយទៅលើកុំព្យូទ័រយួរដៃ កម្មវិធីsoftware និងជួលបុគ្គលិកថ្មីដែលជួយដល់ការសិក្សាដល់និសិត្ស។ មន្ត្រីសាកលវិទ្យាល័យ Husson និយាយថា គោលដៅរបស់ពួកគេគឺដើម្បីជួយសិស្សស្នាក់នៅក្នុងសាលាបន្ថែមទៀត និង អាចបញ្ចប់ថ្នាល់បរិញ្ញាបត្ររបស់ពួកគេ។ សាកលវិទ្យាល័យ Husson ចុះឈ្មោះនិស្សិតថ្នាក់បរិញ្ញាបត្រប្រហែល ២២០០ នាក់ និងនិស្សិតថ្នាក់អនុបណ្ឌិតប្រហែល ៧០០ ។ សាលាផ្តល់ជូននូវកម្មវិធីសិក្សា ៦៥ ជំនាញ ។

កំណែទម្រង់បណ្តាញអគ្គិសនី

នាយកដ្ឋានថាមពលបានផ្តល់ជំនួយដល់ក្រុមហ៊ុន Central Maine Power ចំនួន ៣០ លានដុល្លារ ដើម្បីកែលម្អបណ្តាញអគ្គិសនី និងជួយកាត់បន្ថយប្រេកង់ និងផលប៉ះពាល់នៃការដាច់ចរន្តអគ្គិសនី។ គំរោងនេះអាចកើតឡើងបានដោយសារ ច្បាប់ហេដ្ឋារចនាសម្ព័ន្ធគូភាគី ដែលជំនួយនេះគឺជាផ្នែកមួយនៃកញ្ចប់ ៣.៥ ពាន់លានដុល្លារដែលរដ្ឋបាល Biden បានប្រកាសកាលពីថ្ងៃពុធសម្រាប់គម្រោងចំនួន៥៨ គម្រោងនៅក្នុងរដ្ឋចំនួន ៤៤ ដើម្បីពង្រឹងគុណភាព និង ភាពឋិតថេរ នៃបណ្តាញអគ្គិសនី ។ បច្ចុប្បន្ន CMP (Central Maine Power) កំពុងព្យាយាមប្រយុទ្ធប្រឆាំងយុទ្ធនាការមួយដែលនឹងបំប្លែងក្រុមហ៊ុនថាមពលធំជាងគេពីររបស់រដ្ឋទៅជាអង្គការមិនរកប្រាក់ចំណេញ។ លោក Al Cleveland អ្នកនាំពាក្យក្រុម Our Power និយាយថា ជំនួយដ៏ធំនេះគឺតិចជាងឧបករណ៍អគ្គិសនីរដ្ឋម៉េន ដែលបានចំណាយក្នុងការព្យាយាមកម្ចាត់យុទ្ធនាការនោះ។

ការការពារការប្រើថ្នាំលើសកម្រិត

វិទ្យាល័យនានារបស់រដ្ឋម៉េន នឹងត្រូវតម្រូវឱ្យផ្តល់ការបណ្តុះបណ្តាលដល់សិស្សក្នុងពេលឆាប់ៗខាងមុខក្នុងការគ្រប់គ្រងការប្រើថ្នាំ naloxone ដែលជាថ្នាំបន្សាបក្នុងការប្រើថ្នាំញៀនលើស កម្រិត។ នៅក្រោមច្បាប់របស់រដ្ឋដែលបានអនុម័តកាលពីដើមឆ្នាំនេះ ការបណ្តុះបណ្តាលនឹងត្រូវផ្អែកលើស្តង់ដារពីកម្មវិធីដែលទទួលស្គាល់ពីថ្នាក់ជាតិ ហើយនឹងត្រូវបង្រៀនដោយគ្រូដែលមានសមត្ថភាព។ Courtney Gary-Allen មកពីអង្គការ គម្រោងតស៊ូភាពជាសះស្បើយរបស់ម៉េន បាននិយាយថា សិស្សបានប្រាប់នាងថាពួកគេចង់ទទួលបានការបណ្តុះបណ្តាលក្នុងការឆ្លើយតបនឹងបញ្ហាការប្រើថ្នាំហួសកម្រិត ដើម្បីជួយដល់គ្រួសារ និងមិត្តភក្តិរបស់ពួកគេ។ មន្រ្តីរបស់រដ្ឋនិយាយថាសាលារៀននៅរដ្ឋម៉េន អាចស្នើសុំថ្នាំ naloxone ដោយមិនគិតថ្លៃ។ រដ្ឋបានអនុម័តច្បាប់កាលពីពីរឆ្នាំមុនដែលអនុញ្ញាតឱ្យមានការគ្រប់គ្រងគ្រឿងញៀននៅក្នុងអគារសិក្សា។

នេះគឺជា Maine Public News Connect យើងនឹងជួបអ្នកនៅសប្តាហ៍ក្រោយ។

Khmer Maine

Testimony of Khmer Maine President Marpheen Chann in Support of L.D. 2167 “An Act to Develop Maine's Economy and Strengthen Its Workforce by Establishing an Office of New Americans "