សូមស្វាគមន៍មកកាន់ Maine Public News Connect.
សូមស្វាគមន៍មកកាន់ Maine Public News Connect.
ព័ត៌មានដើមពីវិទ្យុសាធារណៈរដ្ឋម៉េន ចាក់ផ្សាយរៀងរាល់សប្តាហ៍ជាភាសាអេស្ប៉ាញ បារាំង ព័រទុយហ្គាល់ និងសូម៉ាលី។ មើលដោយឥតគិតថ្លៃនៅលើ Facebook, YouTube, ឬ mainepublic.org – និងនៅតាមទូរទស្សន៍ Community Access ។ វគ្គថ្មីមានរៀងរាល់ថ្ងៃសុក្រ ។
ដោយភ្ជាប់ជាមួយនឹងគំនិតផ្តួចផ្តើម YourVote របស់ Maine Public និងការរាយការណ៍អំពីនយោបាយ យើងនឹងឆ្លើយសំណួររបស់ទស្សនិកជនអំពីការចូលរួមក្នុងការបោះឆ្នោត កណ្តាល អាណត្តិ និងការបោះឆ្នោតជ្រើសរើសអភិបាលក្រុងនាពេលខាងមុខ។
ថ្ងៃនេះជា ថ្ងៃសុក្រ ទី 7 ខែ តុលា ។ ខ្ញុំអ្នកផ្តល់ពត៌មាន ធារី រ៉ាយដឺ និង ខាងក្រោមនេះគឺជាពត៌មានសំខាន់សំរាប់សប្តាហ៌នេះ។
សំណើសិទ្ធិអ្នកជួលផ្ទះនៅ Bangor
ទីក្រុង Bangor កំពុងរៀបចំសេចក្តីព្រាងច្បាប់ស្តីពីសិទ្ធិអ្នកជួលថ្មី បន្ទាប់ពីសមាជិកក្រុមប្រឹក្សាបានទទួលពាក្យបណ្តឹងពីអ្នកស្រុកអំពីការដំឡើងថ្លៃជួលភ្លាមៗនៅក្នុងតំបន់។
ក្រោមបទប្បញ្ញត្តិ (proposed ordinance) ដែលបានស្នើឡើងដែលនៅតែបន្តការកែសម្រួល ម្ចាស់ផ្ទះនឹងត្រូវផ្តល់ការជូនដំណឹងដល់អ្នកជួលយ៉ាងហោចណាស់ 60 ថ្ងៃមុនពេលដំឡើងថ្លៃជួលណាមួយ។ តម្លៃនៃការដាក់ពាក្យនឹងត្រូវកំណត់ត្រឹម 50 ដុល្លារ។
Courtney O'Donnell ជំនួយការអ្នកគ្រប់គ្រងទីក្រុងបាននិយាយថា "បទប្បញ្ញត្តិនេះគឺពិតជាមានន័យដើម្បីដោះស្រាយបញ្ហាលំនៅដ្ឋានមិនឋិតថេរ" ។
ប៉ុន្តែម្ចាស់ដីខ្លះបានសម្តែងការព្រួយបារម្ភខ្លះអំពីសំណើនេះ ហើយអ្នកខ្លះបានជំរុញឱ្យទីក្រុងដោះស្រាយវិបត្តិលំនៅឋានដែលមានតម្លៃសមរម្យជំនួសវិញតាមរយៈការត្រួតពិនិត្យ និងការផ្លាស់ប្តូរតំបន់។
អ្នកអភិវឌ្ឍន៍លំនៅដ្ឋាន Emily Ellis បារម្ភថា ច្បាប់នេះអាចជំរុញម្ចាស់ដីក្នុងតំបន់មួយចំនួនឈប់ពីអាជីវកម្មនេះទាំងស្រុង។
“នាងបានប្រាប់សមាជិកក្រុមប្រឹក្សាក្រុងនៅឯកិច្ចប្រជុំគណៈកម្មាធិការប្រតិបត្តិការរបស់រដ្ឋាភិបាលកាលពីយប់ថ្ងៃច័ន្ទថា "នៅពេលដែលយើងស្នើសុំប្រាក់បន្ថែម គឺដោយសារតែយើងត្រូវបានគេគិតប្រាក់បន្ថែមទៀតដើម្បីផ្តល់លំនៅដ្ឋាន” ។
មន្ត្រីក្រុងនិយាយថា ពួកគេនៅតែប្រមូលមតិកែលម្អអំពីសំណើនេះ។
សំណើនេះកើតឡើងនៅពេលដែលទីក្រុងកំពុងចាប់ដៃគូជាមួយអ្នកសម្របសម្រួលក្នុងតំបន់ពី Built for Zero ដែលជាកម្មវិធីទប់ស្កាត់ការគ្មានផ្ទះសម្បែងថ្នាក់ជាតិ។ ទីក្រុងកំពុងចាប់ផ្តើមកិច្ចខិតខំប្រឹងប្រែងសម្របសម្រួល ដែលវានឹងបង្កើតបញ្ជីបុគ្គលដែលគ្មានផ្ទះសម្បែងនៅ Bangor ហើយនឹងទំនាក់ទំនងពួកគេជាមួយនឹងអ្នកផ្តល់លំនៅដ្ឋាន និងសេវាកម្មផ្សេងទៀត។
ជំនួយសង្គ្រោះពន្ធមនុស្សចាស់ក្រុងAuburn
ក្រុមប្រឹក្សាក្រុង Auburn បានអនុម័តវិធានការផ្តល់ជំនួយសង្គ្រោះពន្ធចំនួន $300 ដល់មនុស្សចាស់ដែលអាចទាមទារ the Homestead Exemption ។
ក្រុមប្រឹក្សាបានពិចារណាពីដំបូងថាផ្តល់ការបន្ធូរបន្ថយពន្ធដល់អ្នកស្រុក Auburn ទាំងអស់ដែលមានលក្ខណៈសម្បត្តិគ្រប់គ្រាន់សម្រាប់កម្មវិធី the Homestead Exemption របស់រដ្ឋ ប៉ុន្តែបានសម្រេចចិត្តបង្រួមកម្មវិធីនេះទៅឲ្យមនុស្សចាស់ដែលមានអាយុចាប់ពី 65 ឆ្នាំឡើងទៅ ដើម្បីកាត់បន្ថយការចំណាយពី 1.5 លានដុល្លារទៅ 700,000 ដុល្លារ។ ក្រុមប្រឹក្សាបានបោះឆ្នោត 5 ទល់នឹង 2 ដើម្បីគាំទ្រវិធានការនេះ។ សមាជិកក្រុមប្រឹក្សា Leroy Walker ស្ថិតក្នុងចំណោមអ្នកដែលបានបោះឆ្នោតគាំទ្រ។
Walker បាននិយាយថា "ខ្ញុំបានឮពីមនុស្សជាច្រើនថា 300 ដុល្លារនឹងជួយពួកគេ" ។ "មិនថាយើងមើលវាយ៉ាងណាទេ វានឹងអាចជួយពួកគេ។ វាមិនមែនជាអ្វីដែលនឹងត្រូវខ្ជះខ្ជាយតាមមធ្យោបាយណាមួយឡើយ"។
អ្នកប្រឆាំង រួមទាំងសមាជិកក្រុមប្រឹក្សា Ryan Hawes បាននិយាយថា គាត់បានឮពីអ្នកបោះឆ្នោតថា បើយកមូលនិធិដែលបានមកពីច្បាប់ផែនការសង្គ្រោះរបស់អាមេរិក មកចំណាយទៅលើកម្មវិធីអភិវឌ្ឍន៍សហគមន៍ គឺវាល្អជាង។
ការបិទគ្លីនីកផលប៉ះពាល់រយៈពេលយូរនៃCOVID
MaineHealth នឹងបិទគ្លីនិកដែលព្យាបាលអ្នកជំងឺដែលមានផលប៉ះពាល់រយៈពេលយូរដោយមេរោគCOVID នៅខែមករា។
នៅក្នុងសេចក្តីថ្លែងការណ៍មួយ ប្រព័ន្ធថែទាំសុខភាពនិយាយថា អ្នកជំងឺដែលមានជំងឺកូវីដ យូរត្រូវបានផ្តល់សេវាល្អបំផុតដោយគ្រូពេទ្យថែទាំបឋមដែលមើលពីប្រវត្តិជំងឺរបស់អ្នកជំងឺពេញលេញ ជាជាងគ្រាន់តែការព្យាបាលក្រោយកើតកូវីដ។
គ្លីនិកដែលមានមូលដ្ឋាននៅទីក្រុងPortland មិនបានទទួលយកអ្នកជំងឺថ្មី ចាប់តាំងពីដើមខែ
កញ្ញា។
ផលប៉ះពាល់រយៈពេលយូរនៃ COVID ជាទូទៅត្រូវបានកំណត់ដោយរោគសញ្ញាដែលបន្តកើតមានលើសពី 4 សប្តាហ៍បន្ទាប់ពីការឆ្លង COVID ធ្ងន់ធ្ងរ។ រោគសញ្ញារួមមានភាពនឿយហត់ អ័ព្ទក្នុងខួរក្បាល វិលមុខ និងការប្រែប្រួលក្លិន ឬរសជាតិ។
CDC របស់សហរដ្ឋអាមេរិកបានប៉ាន់ប្រមាណថា 1 ក្នុងចំណោមមនុស្សពេញវ័យ 13 នាក់នៅក្នុងប្រទេសមាន COVID រយៈពេលយូរ។
ទោះបីជា MaineHealth កំពុងបិទគ្លីនិករបស់ខ្លួនក៏ដោយ ក៏វានៅតែជ្រើសរើសអ្នកចូលរួមសម្រាប់ការសិក្សាអំពីផលប៉ះពាល់រយៈពេលយូរនៃ COVID ។
ថ្លែងនៅ Maine Calling កាលពីថ្ងៃអង្គារ លោកវេជ្ជបណ្ឌិត Cliff Rosen អ្នកស្រាវជ្រាវចម្បងរបស់ MaineHealth សម្រាប់ការសិក្សា RECOVER ជាតិនិយាយថា អ្នកចូលរួម 100 នាក់ត្រូវបានជ្រើសរើស ប៉ុន្តែ 50 នាក់ទៀតត្រូវការ។ Rosen និយាយថា ពួកគេកំពុងស្វែងរកអ្នកដែលមានបទពិសោធន៍ជាច្រើនជាមួយ COVID ចាប់ពីបុគ្គលដែលមានរោគសញ្ញារយៈពេលវែង រហូតដល់អ្នកដែលមិនមានរោគសញ្ញាទាល់តែសោះ។
Rosen បាននិយាយថា "ទាំងអស់នេះគឺជាក្រុមរងដ៏សំខាន់ពីព្រោះយើងត្រូវយល់ថាអ្នកណាដែលមិនជាសះស្បើយពីការឆ្លងមេរោគនេះ" ។
Rosen និយាយថាវាមិនទាន់ច្បាស់ថាអ្វីដែលបណ្តាលឱ្យមានកូវីដរយះពេលយូរនោះទេ ហើយការសិក្សារស្វែងយល់បន្ថែមទៀតគឺត្រូវការជាចាំបាច់ដើម្បីជួយគ្រូពេទ្យថែទាំបឋម ឲ្យមានការយល់ដឹងក្នុងការព្យាបាលថ្មីៗបំផុត ដើម្បីជួយព្យាបាលអ្នកជំងឺ។
សម្រាប់សារពត៌មានផ្សារភ្ជាប់ម៉េនសាធារណៈ ខ្ញុំអ្នកផ្តល់ពត៌មាន ធារី រ៉ាយដឺ ។ អរគុណសំរាប់ការចូលរួមអាន។ប្រសិនបើអ្នកពេញចិត្តនឹងកម្មវិធីនេះ កុំភ្លេចចុច Like សរសេរជាយោបល់ និង ជួយចែករំលែកបន្តទៀត! អ្នកក៏អាចចុះឈ្មោះសម្រាប់ទទួលបាន links ដោយផ្ទាល់ទៅតាមភាសាដែលអ្នកចង់បានតាមរយៈ Newsletter និង WhatsApp។ ដូចគ្រប់ពេល ពួកយើងរីករាយនឹងទទួលយោបល់ ឬ គំនិតសំរាប់សារព័ត៌មានរបស់លោកអ្នក។ ជួបគ្នាពេលក្រោយ!
