សេចក្តីណែនាំសំរាប់អ្នកបោះឆ្នោតនៅក្នុងរដ្ឋម៉េន

ព័ត៌មានខាងក្រោមនេះ ពន្យល់អំពីរបៀបនៃចុះឈ្មោះបោះឆ្នោតនិងការបោះឆ្នោតនៅក្នុងរដ្ឋម៉េន។ តាមរយៈការបោះឆ្នោត អ្នកចូលរួមធ្វើអោយលទ្ធិប្រជាធិបតេយ្យរបស់រដ្ឋម៉េន ឲ្យមានភាពកាន់តែរឹងមាំ និងបន្តនូវប្រវត្តសាស្រ្តដែលមានយូរមកហើយនៃការចូលរួមរបស់ពលរដ្ឋក្នុងការគ្រប់គ្រងរបស់រដ្ឋាភិបាលថ្នាក់រដ្ឋនិងថ្នាក់ប្រទេស។

វាងាយស្រួលក្នុងការមិនឲ្យតំលៃទៅលើសិទ្ធិបោះឆ្នោតរបស់យើង--ហើយអ្នកអាចគិតថាការបោះឆ្នោតមិនមានសារសំខាន់ ឬ “ការបោះឆ្នោតមិនអាចកែប្រែអ្វីបាន”។

ការពិតការបោះឆ្នោតធ្វើឱ្យមានភាពប្រែប្រួលយ៉ាងខ្លាំងនៅក្នុងសង្គម។ តាមរយៈការបោះឆ្នោត ពលរដ្ឋម្នាក់ៗមានសម្លេងក្នុងការសម្រេចថាអ្នកណានឹងត្រូវកាន់តំណែង និងមុខតំណែងអ្វីខ្លះដែលនឹងអាចដោះស្រាយលើបញ្ហាចម្បងនានានៅក្នុងសង្គម។

ការបោះឆ្នោតមានសារៈសំខាន់ចំពោះភាពខ្លាំងនិងភាពរឹងមាំនៃប្រព័ន្ធរដ្ឋាភិបាល ហើយខ្ញុំសូមចូលរួមត្រេកអរដែលអ្នកយល់ច្បាស់នូវភាពចាំបាច់មួយនេះ។

ដើម្បីឲ្យលទ្ធិប្រជាធិបតេយ្យរបស់យើងដំណើរការល្អ យើងទាំងអស់គ្នាត្រូវតែចូលរួមក្នុងដំណើរការនៃការបោះឆ្នោត។ សូមចុះឈ្មោះនិងទៅបោះឆ្នោត ហើយលើកទឹកចិត្តក្រុមគ្រួសារ មិត្តភក្តិ និងអ្នកជិតខាងឱ្យចូលរួមដូចគ្នា។

 សំនួរដែលសួរជាញឹកញាប់

អ្នកណាខ្លះអាចចុះឈ្មោះ និង បោះឆ្នោតបាននៅក្នុងរដ្ឋម៉េនបាន?

•      ដើម្បីចុះឈ្មោះ អ្នកត្រូវតែមានសញ្ជាតិអាមេរិកដែលមានអាយុយ៉ាងតិច ១៦ ឆ្នាំក្នុងការចុះឈ្មោះបោះឆ្នោតទុក្ខជាមុននិងមានអាស័យដ្ឋានអចិន្ត្រៃយ៍នៅក្នុងរដ្ឋម៉េន។

•      ដើម្បីបោះឆ្នោត នៅក្នុងការធ្វើប្រជាមតិឬការបោះឆ្នោតទូទៅ អ្នកត្រូវតែចុះឈ្មោះនៅក្នុងសហគមន៍ដែលអ្នករស់នៅ ហើយមានអាយុយ៉ាងតិច ១៨ ឆ្នាំ។ អ្នកដែលមានអាយុ ១៧ ឆ្នាំអាចបោះឆ្នោតក្នុងការបោះឆ្នោតបឋមនបាន ហើយប្រសិនបើអ្នកនោះនឹងចូលវ័យ ១៨ឆ្នាំ នៅក្នុងការបោះឆ្នោតសកល (General Elections)។

តើខ្ញុំអាចចុះឈ្មោះបោះឆ្នោតយ៉ាងដូចម៉េច?

អ្នកអាចចុះឈ្មោះបានដោយបំពេញកាតចុះឈ្មោះបោះឆ្នោតនៅការិយាល័យក្រុង ឬសាលាក្រុងរបស់អ្នក តាម រយៈការិយាល័យចល័តរបស់ទីភ្នាក់ងារផ្តល់សេវាសង្គមរបស់រដ្ឋ និងរបស់ប្រទេសអាមេរិក ឬនៅការិយាល័យចុះឈ្មោះបោះឆ្នោត។

អ្នកក៏អាច download និង print ពាក្យសុំចុះឈ្មោះបោះឆ្នោតនៅរដ្ឋម៉េនខាងក្រោម។ សូមកត់សម្គាល់ថាសន្លឹកទាំងសងខាងនឹងព្រីនលើទំព័រតែមួយទេ។

ពាក្យសុំចុះឈ្មោះអ្នកបោះឆ្នោតនៃរដ្ឋម៉េន (កែសំរួល ១២០២០) Fillable PDF   Word

Instructions for completing the Maine Voter Registration Application

ប្រសិនបើអ្នកមិនអាចព្រីនពាក្យសុំចុះឈ្មោះបោះឆ្នោតបានទេ សូមទាក់ទងទៅស្មៀននៅក្នុងក្រុងរបស់អ្នក (contact your town clerk ) ដើម្បីផ្ញើរប័ណ្ណចុះឈ្មោះបោះឆ្នោតទៅឲ្យអ្នក។ ប័ណ្ណចុះឈ្មោះបោះឆ្នោតដែលបានព្រីន និងមានចុះហត្ថលេខាដើមរបស់អ្នក គឺត្រូវបានរក្សាទុកដោយស្មៀននៅក្នុងក្រុងរបស់អ្នក ដូច្នេះទើបសន្លឹកប័ណ្ណនោះមានសុវត្ថភាព ដោយមិនអាចត្រូវបានលួចចម្លងតាមប្រព័ន្ធអេឡិចត្រូនិច។

ប័ណ្ណចុះឈ្មោះបោះឆ្នោតដែលបានបំពេញរួច ត្រូវប្រគល់ទៅកាន់ការិយាល័យក្រុង ឬសាលាក្រុងរបស់អ្នកវិញ ដោយផ្ទាល់ដៃ ឬផ្ញើរតាមប្រេយសណី (mailed to your town office)។ ពិនិត្យបញ្ជីដើម្បីស្វែងរកលេខទូរស័ព្ទ និងអ៊ីមែលរបស់ក្រុងនីមួយៗ។

នៅពេលដែលអ្នកចុះឈ្មោះលើកដំបូងនៅរដ្ឋម៉េន អ្នកត្រូវផ្តល់ឯកសារអត្តសញ្ញាណដែលបង្ហាញថាអ្នកមានទីលំនៅនៅរដ្ឋម៉េន។

ឯកសារខាងក្រោមនេះគឺជាភស្តុតាងបញ្ជាក់ពីអត្តសញ្ញាណដែលអាចចុះឈ្មោះបោះឆ្នោតបាន៖

•      ឯកសាររដ្ឋាភិបាល ឬលិខិតសម្គាល់ដែលមានអត្តសញ្ញាណប័ណ្ណរូបថត (ឧ. ប័ណ្ណបើកបរ អត្តសញ្ញាណប័ណ្ណ លិខិតឆ្លងដែនរបស់អាមេរិកដែលមានសុពលភាព និងប័ណ្ណយោធា)

•      ឯកសារផ្សេងទៀតរបស់រដ្ឋាភិបាលដែលគ្មានរូបថត (ឧ. សំបុត្រកំណើត ឬលិខិតបញ្ជាក់សន្តិសុខសង្គម)

•      ឯកសារផ្លូវការដែលបញ្ជាក់ឈ្មោះ និងអាស័យដ្ឋានរបស់អ្នកបោះឆ្នោត (ឧ. សិទ្ធិទទួលបានអត្ថប្រយោជន៍សាធារណៈ វិក័យប័ត្រទឹកភ្លើង របាយការណ៍ធនាគារ សែកពីរដ្ឋ និង ការទូទាត់ប្រាក់ខែ)

•      បានបញ្ជាក់អត្តសញ្ញាណដែលមានតែមួយគត់ (លេខប័ណ្ណបើកបររបស់រដ្ឋម៉េន ឬលេខបួនតួខាងក្រោយនៃលេខសន្តិសុខសង្គម)

សម្រាប់ព័ត៌មានបន្ថែមសូមចូលទៅកាន់ទំព័រ Maine Voting Residence Fact Sheet page.

តើការចុះឈ្មោះបោះឆ្នោតផុតកំណត់ថ្ងៃណា?

មិនមានកាលបរិច្ឆេទនៃការផុតកំណត់ក្នុងការចុះឈ្មោះបោះឆ្នោត សំរាប់អ្នកទៅបោះឆ្នោតដោយផ្ទាល់នៅការិយាល័យក្រុងឬសាលាក្រុងរបស់អ្នកទេ។ សំរាប់ការបោះឆ្នោតសកលនៅថ្ងៃទី ៣ វិច្ជិកា ថ្ងៃផុតកំណត់នៃការចុះឈ្មោះត្រូវបានពន្យាពេល។ អ្នកបោះឆ្នោតអាចបញ្ជូនកាតចុះឈ្មោះបោះឆ្នោតតាមរយៈប្រៃសណី ឬតាមរយៈ ភាគីទីបី នៅជិតដល់ម៉ោងឈប់ធ្វើការ ថ្ងៃទី ១៩ តុលា ២០២០។

 តើការបោះឆ្នោតបន្ទាប់នៅពេលណា?

សូមចូលទៅទំព័រ Upcoming Elections Page សម្រាប់ព័ត៌មានបន្ថែមទាក់ទងនឹងការបោះឆ្នោតដែលនឹងចូលមកដល់។

តើខ្ញុំទៅបោះឆ្នោតនៅទីណា?

គ្រប់ក្រុងនិមួយៗមានកន្លែងផ្ទាល់ខ្លួនសំរាប់ប្រជាជនទៅបោះឆ្នោតដែលហៅថាកន្លែងបោះឆ្នោត ឬ “ ការិយាល័យបោះឆ្នោត”។ អ្នកអាចទូរស័ព្ទទៅសាលាក្រុងរបស់អ្នកដើម្បីសួររកកន្លែងដែលអ្នកទៅបោះឆ្នោត។ កន្លែងបោះឆ្នោតចាប់ផ្តើមបើកនៅចន្លោះពី ម៉ោង ៦ ទៅម៉ោង ១០ ព្រឹក វាអាស្រ័យទៅលើចំនួនប្រជាជននៅក្នុងក្រុង។ មន្រ្តីមូលដ្ឋានអាចប្រាប់អ្នកឱ្យដឹងពីពេលវេលានៃការបើកការិយាល័យបោះឆ្នោតនៅក្នុងសហគមន៍របស់អ្នក។ ការិយាល័យបោះឆ្នោតទាំងអស់នឹងបិទនៅម៉ោង ៨ ល្ងាចនៅថ្ងៃបោះឆ្នោត។ អ្នកអាចរកការិយាល័យបោះឆ្នោតរបស់អ្នកដោយប្រើសេវាកម្មស្វែងរកព័ត៌មានអ្នកបោះឆ្នោត Voter Information Lookup Service

តើខ្ញុំគូសសន្លឹកឆ្នោតយ៉ាងដូចម្តេច?

រដ្ឋម៉េនប្រើសន្លឹកឆ្នោតក្រដាសដែលអ្នកបោះឆ្នោត អាចបំពេញគំនូសនៅក្នុងប្រអប់រាងពងក្រពើនៅជាប់នឹងឈ្មោះបេក្ខជនឈរឈ្មោះបោះឆ្នោត។ មានការណែនាំអំពីការគូសគំនូសនៅលើសន្លឹកឆ្នោតនីមួយៗផងដែរ .. ប្រសិនបើអ្នកមានសំណួរសូមទាក់ទងមន្ត្រីការិយាល័យបោះឆ្នោត។ ប្រសិនបើអ្នកគូសគំនូសខុស សូមបត់សន្លឹកឆ្នោតរបស់អ្នក ហើយប្រគល់ឱ្យមន្ត្រីបោះឆ្នោត។ មន្ត្រីការិយាល័យបោះឆ្នោតនឹងផ្តល់ជូនសន្លឹកឆ្នោតថ្មីមួយទៀតដល់អ្នក។ ដំណើរការការបោះឆ្នោតខ្លះនៅក្នុងរដ្ឋម៉េន ប្រព្រឹត្តទៅដោយប្រើការបោះឆ្នោតជ្រើសរើសតាមលំដាប់។ ស្វែងយល់បន្ថែមអំពីសន្លឹកឆ្នោតជ្រើសរើសតាមលំដាប់នៅលើទំព័រ RCV Resources page.។

តើខ្ញុំអាចសុំជំនួយក្នុងការបោះឆ្នោតបានឬទេ?

ត្រឹមត្រូវហើយ។ ប្រសិនបើអ្នកត្រូវការជំនួយក្នុងការអានឬគូសលើសន្លឹកឆ្នោត អ្នកអាចស្នើសុំឲ្យសាច់ញាតិឬមិត្តភក្តិអោយជួយបាន។ ជំនួយការមិនចាំបាច់ជាអ្នកអាចបោះឆ្នោតបាន ឬចាស់គ្រប់គ្រាន់ដើម្បីបោះឆ្នោតទេ។ មន្ត្រីបោះឆ្នោតក៏អាចជួយអ្នកក្នុងការអាន ឬគូសគំនូសលើសន្លឹកឆ្នោតបានដែរ។ ទោះយ៉ាងណានិយោជកឬមន្រ្តីសហជីពមិនអាចជួយអ្នកបោះឆ្នោតបានទេ។

តើខ្ញុំត្រូវទៅការិយាល័យបោះឆ្នោតដើម្បីបោះឆ្នោតនៅក្នុងថ្ងៃបោះឆ្នោតដែរឬទេ?

អត់ទេ។ អ្នកដែលបានចុះឈ្មោះបោះឆ្នោតហើយ អាចបោះឆ្នោតនៅផ្ទះបានតាមសន្លឹកឆ្នោតអវត្តមាន ដោយមិនចាំបាច់ទៅការិយាល័យបោះឆ្នោតដោយផ្ទាល់។

ស្វែងយល់បន្ថែមអំពីការបោះឆ្នោតអវត្តមាននិងវិធីស្នើសុំសន្លឹកឆ្នោតរបស់អ្នកនៅលើទំព័របោះឆ្នោតអវត្តមានរបស់យើង Absentee Voting page.