ការក្រើនរំលឹកពីសុវត្ថិភាព: ព័ត៌មាននេះអាចជួយអ្នកប្រសិនបើមាន ភ្នាក់ងារ អាយ ស៊ី អ៊ី (ICE) មករកអ្នក។ ភ្នាក់ងារ អាយ ស៊ី អ៊ី តែងមកក្នុងរូប ភាពបន្លំខ្លួន ប្រើល្បិចបញ្ឆោត ចាប់ខ្លួននិងឃុំខ្លួនអ្នក ដើម្បីប្រមូលយកព័ត៌មានផ្សេងៗពីអ្នក។ រាល់ស្ថានការណ៍ទាំងឡាយណាក៏ដោយ អ្នកមានសិទ្ធិក្នុងការការពារខ្លួនអ្នក។ ដឹងពីសិទ្ធិរបស់អ្នកអាចជួយអ្នករារាំង ភ្នាក់ងារ អាយ ស៊ី អ៊ី ពីការចាប់ខ្លួនដោយអយុត្តិធម៌។

• ដឹងពីសិទ្ធិរបស់អ្នក ជួយខ្លួនអ្នកផ្ទាល់ និង មនុស្សជាទីស្រឡាញ់ត្រៀមខ្លួនរួចជាស្រេច។ ត្រូវបន្ស៊ាំខ្លួនអោយស៊ាំនឹងស្ថានការណ៍ និងមានឯកសារនេះនៅក្នុងដៃដើម្បីងាយស្រួលគ្រប់គ្រងស្ថានការណ៏នានា

  • មនុស្សមួយចំនួនតែងធ្វេសប្រហែសអនុញ្ញាតអោយភ្នាក់ងារ អាយ ស៊ី អ៊ី ចូលក្នុងផ្ទះ របស់ខ្លួនដោយមិនដឹងខ្លួន ហើយភ្នាក់ងារ អាយ ស៊ី អ៊ី មកក្នុងរូបភាពបន្លំខ្លួនធ្វើពុតជាសមត្ថកិច្ចប្រចាំតំបន់និងបញ្ឆោតអោយអ្នកបើកទ្វាអោយពួកគេចូល។ ការដឹងពីសិទ្ធិរបស់អ្នកអាចជួយឲ្យអ្នកត្រៀមខ្លួនរួចរាល់ និងការពារអ្នកបាននៅស្ថានការណ៍ណាមួយ។

  • ត្រូវមានឯកសារចម្លងអំពីការដឹងសិទ្ធិរបស់អ្នក នៅក្នុងទូរស័ព្ទដៃ ក្នុងឡាន នៅក្បែរមុខទ្វារផ្ទះ របស់អ្នកនិងនៅកន្លែងណាក៏ដោយដែលអ្នកអាចឃើញនៅពេលចាំបាច់។

• ប្រាប់មនុស្សជាទីស្រឡាញ់របស់អ្នក មិត្តភក្ដិ និងអ្នកដែលអាចទុកចិត្តបានអំពីអ្វីដែលបានកើតឡើងដើម្បីបង្កើតផែនការសុវត្ថិភាពរួមគ្នា។

មិនត្រូវត្រូទៅច្រកចូលភ្នាក់ងារ អាយ ស៊ី អ៊ី តែម្នាក់ឯងទេ ប្រសិនបើអ្នកមានកាលវិភាគត្រូវទៅច្រកចូល អាយ ស៊ី អ៊ី ឬភ្នាក់ងារអាយ ស៊ី អ៊ី រំកិលកាលវិភាគរបស់អ្នកមកមុនកាលកំណត់ នេះជាសញ្ញាមិនល្អទេ ព្រោះភ្នាក់ងារ អាយ ស៊ី អ៊ី ថ្មីៗនេះបានឃុំខ្លួនមនុស្សជាច្រើននៅច្រកចូលជាប្រចាំ

ទាក់ទងស្វែងរកជំនួយ ទៅកាន់អង្គការគាំពារសិទ្ធិរបស់ជនអន្តោប្រវេសន៍ និងសេវាកម្មផ្នែកច្បាប់នានាដើម្បីគាំទ្រអោយមាន

សិទ្ធិការពារសំរាប់ជនអន្តោប្រវេសន៍

អ្នកមានសិទ្ធិក្នុងការៈ

• រក្សាភាពស្ងៀ មស្ងាត់

• មិនឆ្លើយរាល់សំណួរទាំងឡាយ

  • អ្នកមិនត្រូវឆ្លើយសំណួរអ្វីទាំងអស់ទាក់ទងនឹងព័ត៌មានស្ថានភាពអន្តោប្រវេសន៍

• សុំមើលដីការចាប់ខ្លួន

• និយាយជាមួយមេធាវី

• សូមទូរស័ព្ទទៅក្រុមគ្រួសារឬភ្នាក់ងារផ្នែកច្បាប់ដែលអាចជួយអ្នកបាន

យល់ពីភាពខុសគ្នារវាងការការពារខ្លួនអ្នក

នៅទីសាធារណៈនិងកន្លែងឯកជន

ទីសាធារណៈ ភ្នាក់ងារ អាយ ស៊ី អ៊ី អាចមករកអ្នកនៅគ្រប់កន្លែងទីសាធារណៈ និងអាចចាប់ខ្លួនអ្នកនៅទីសាធារណៈដោយមិន

ចាំបាច់មានដីការសម្រេច ក្នុងករណីពួកគេមានហេតុផលត្រឹមត្រូវនិងភស្ដុតាងច្បាស់លាស់។

បរិវេណតំបន់ឯកជន៖ ភ្នាក់ងារ អាយ ស៊ី អ៊ី មិនអាចចូលក្នុងបរិវេណតំបន់ឯកជនដោយគ្មានដីការចាប់ខ្លួន ឬដីការឆែកឆេរ ឬការឯកភាពពីតំបន់នោះទេ រួមមាន ផ្ទះរបស់អ្នក តំបន់ណាមួយនៅកន្លែងធ្វើការរបស់អ្នក ឬនៅសាកលវិទ្យាល័យ។

នៅផ្ទះ

• មិនត្រូវបើកទ្វារនោះទេ ប្រសិនបើអ្នកបើកទ្វារ នេះអាចចាត់ទុកថាអ្នកអនុញ្ញាតអោយពួកគេចូលក្នុងផ្ទះរបស់អ្នកដោយស្ម័គ្រចិត្ត។

• ធ្វើការសួរនាំបុគ្គលរូបនោះអោយផ្ដល់អត្តសញ្ញាណផ្ទាល់ខ្លួន និងកន្លែងការងាររបស់ពួកគេ។

• សួររកដីការប្រកាស មុននឹងអាចចូលបាន ពួកគេត្រូវបង្ហាញដីការប្រកាស (អាចជាដីការចាប់ខ្លួនចេញពីភ្នាក់ងារ អាយ ស៊ី អ៊ី ឬដីការចុះ ឆែកឆេរផ្ទះរបស់អ្នកសម្រេចចេញពីតុលាការ)។ សុំអោយបុគ្គលទាំងនោះសូកដីការប្រកាសនៅក្រោមទ្វារ។ ដីការប្រកាសដែលមានប្រសិទ្ធិភាពត្រូវត្រូមាន៖

  • ហត្ថលេខាចុះ ដោយផ្ទាល់ពីចៅក្រមឬទីភ្នាក់ងាររដ្ឋាភិបាល

  • មានកំណត់ថាបុគ្គលនៅក្នុងដីការប្រកាសត្រូវបានកោះហៅ ឬទីកន្លែងផ្ទាល់របស់បុគ្គលក្នុងដីការប្រកាសត្រូវអនុញ្ញាតឲ្យចូលឆែកឆេរ។

ប្រសិនបើប៉ូលីសឬមន្រ្តីអន្តោប្រវេសន៍ គ្មាន ដីការសម្រេចដែលមានសុពលភាព អ្នកមានសិទ្ធិសុំអោយពួកគេចាកចេញ។ រក្សាភាពនឹងនរ និងប្រកាន់ខ្ជាប់សិទ្ធិដែលអ្នកមាន។ ទាក់ទងទៅមេធាវី ឬផ្ដល់ដំណឹងទៅអង្គការតស៊ូមតិដើម្បីអោយពួកគេបានដឹងពីបញ្ហាដែលកើតមានឡើង។

ប្រសិនបើប៉ូលីសឬមន្ត្រីអន្ដោប្រវេសន៍ មាន ដីការសម្រេចដែលមានសុពលភាព ចូរអានដីការប្រកាសបង្គាប់កោះហៅនោះដោយយកចិត្តទុកដាក់ ថាតើបុគ្គលរូបណាដែលគេកំពុងស្វែងរក និងទីកន្លែងណាដែលគេអាចចូលឆែកឆេរបាន។ ព្យាយាមថតទុកដីការសម្រេចនោះ កត់ត្រាទុកតួរលេខក្នុងដីការនិងប្រមូលទិន្នន័យនានាអោយបានច្រើនតាមដែលអាចធ្វើទៅបាន។

• សួរនាំមន្រ្តីសមត្ថកិច្ច មូលហេតុអ្វីបានជាបង្អាក់ដំណើររបស់អ្នក និងសួររកដីការសម្រេចចាប់ខ្លួន។ សួរនាំពីអត្តសញ្ញាណមន្ត្រី និងភ្នាក់ងារដែលពួកគេស្ថិតនៅ។ សាកសួរសំណួរទាំងនេះសិន មុននឹងអ្នកបង្ហាញប័ណ្ណសម្គាល់ខ្លួន ឬឆ្លើយនឹងសំណួរផ្សេងៗទៀត។

• ប្រកាន់ខ្ជាប់សិទ្ធិនៅស្ងៀម បដិសេធមិនឆ្លើយសំណួរអ្វីទាំងអស់ពីប្រវត្តិបទល្មើសឬប្រវត្តិនៃការធ្វើអន្តោប្រវេសន៍របស់អ្នក។ ប្រសិនបើអ្នកត្រូវបានគេសួរសំណួរទាំងនេះ ចូរអ្នកសហការនិងប្រាប់អត្តសញ្ញាណរបស់អ្នកទៅមន្ត្រីសមត្ថកិច្ច។

• ប្រសិនបើអាជ្ញាធរមានសមត្ថកិច្ចចាប់ផ្ដើមឆែកឡាន ឬកម្មសិទ្ធិផ្ផ្ទាល់ខ្លួនរបស់អ្នក អ្នកគួរតែនិយាយថា “ខ្ញុំមិនឯកភាពនឹងការឆែកឆេររបស់អ្នកទេ” ។ ភ្នាក់ងារ អាយ ស៊ី អ៊ី មិនអាចឆែកខ្លួនអ្នក ឡានរបស់អ្នក ឬអ្វីផ្សេងៗទៀតដោយមិនមានដីការសម្រេចពីសាលក្រមឬការឯកភាពពីអ្នកនោះទេ។

• ភ្នាក់ងារ អាយ ស៊ី អ៊ី អាចបញ្ជាអោយអ្នកចេញពីឡាននិងអាចចាប់ខ្លួនអ្នកតែម្ដង។ មុននឹងពួកគេធ្វើបែបនេះ ចូរសួរថា៖

  • តើខ្ញុំអាចទៅបានទេ?

  • តើអ្នកជានរណា?

  • ហេតុអ្វីបានជាអ្នកបង្អាក់ដំណើរខ្ញុំអោយឈប់?

ហាមធ្វើរឿងដូចខាងក្រោមៈ

• មិនត្រូវត្រូផ្ដល់ឯកសារឬព័ត៌មានក្លែងក្លាយ

• មិនត្រូវកុហក

• មិនត្រូវតតាំងនឹងមន្ត្រីសមត្ថកិច្ចប្រសិនបើពួកគេចង់ចាប់ខ្លួនអ្នកព្រោះវាអាចនាំឲ្យមានបញ្ហាដល់ការធ្វើអន្តោប្រវេសន៍របស់អ្នក

• មិនត្រូវចុះហត្ថលេខាលើលិខិតផ្សេងៗមុននឹងបាននិយាយជាមួយមេធាវីរបស់អ្នក

• មិនត្រូវឆ្លើយនឹងសំណួរផ្សេងៗ ត្រូវសួរនាំមេធាវីរបស់អ្នកសិន

ប្រសិនបើអ្នកត្រូវបានឃុំខ្លួន

• មិនត្រូវឆ្លើយសំណួរដែលមន្រ្តីអន្តោប្រវេសន៍បានសួរ

• មិនត្រូវចុះហត្ថលេខាលើលិខិតស្នាមផ្សេងៗមុននឹងពិគ្រោះជាមួយមេធាវីរបស់អ្នក

• ជានិច្ចកាលត្រូវសុំសេចក្ដីថតចម្លងអំពីព័ត៌មានអន្តោប្រវេសន៍របស់អ្នក

• ទាក់ទងនិងផ្ដល់ដំណឹងទៅសមាជិកគ្រួសារអ្នកអំពីកន្លែងដែលអ្នកត្រូវបានឃុំខ្លួន និងផ្ដល់ព័ត៌មានសំខាន់ផ្សេងៗទៀតដូចជាឈ្មោះពេញ(នាមនិងគោត្តនាម)របស់អ្នក ឈ្មោះផ្សេងៗទៀតដែលអ្នកប្រើ ថ្ងៃខែឆ្នាំកំណើតនិងលេខរៀងចុះក្នុងបញ្ជីការអន្តោប្រវេសន៍របស់អ្នក។

ការឃ្លាំមើលពីភ្នាក់ងារ អាយ ស៊ី អ៊ី និងមានសាក្សីភស្តុតាងជាជំនួយ

មិនថាអ្នកជាមិត្តភក្តិ សមាជិកគ្រួសារ មនុស្សប្លែកមុខ ឬបុគ្គល

ពាក់ព័ន្ធដែលធ្លាប់បានជួបជាមួយ អាយ ស៊ី អ៊ី ផ្ទាល់ អ្នកមានសិទ្ធិថតទុកវីដេអូ និងរូបភាព។ សកម្មភាពបែបនេះអាចជួយបុគ្គលដែលជាប់ពាក់ព័ន្ធ ប្រមូលភស្តុតាងសំខាន់ក្នុងការដោះស្រាយបញ្ហាអន្តោប្រវេសន៍របស់គាត់។

• អ្នកឃើញហេតុការណ៍ផ្ទាល់ អាចថតទុកការសន្ទនាទាំងនោះ ដរាបណាមិនមានផលប៉ះពាល់ ឬការរំខាន និងមិនបង្ហាញសមាសភាពរបស់អ្នក។

• សាក្សីអាចសួររកអត្តសញ្ញាណ និងអត្តលេខរបស់ភ្នាក់ងារអាយ ស៊ី អ៊ី

• សាក្សីគួរចែករំលែកភស្តុតាងដែលខ្លួនថតបាន និងរាយការណ៍ទៅកាន់គ្រួសារ មេធាវី ឬអង្គការគាំពារសិទ្ធិសំរាប់ជនអន្តោប្រវេសន៍

នៅក្នុងមន្ទីរឃុំឃាំង

អ្នកដែលត្រូវបានគេឃុំខ្លួនអាចមានសិទ្ធិត្រូវដោះលែងអោយនៅក្រៅឃុំ

ក្នុងករណីសំណុំរឿងស្ថិតក្រោមការស៊ើបអង្កេត ឬមានលក្ខខណ្ឌច្បាប់

ផ្សេងៗតម្រូវអោយបុគ្គលរាយការណ៍មកមន្រ្តីទទួលបន្ទុកជាប្រចាំ។

យ៉ាងណាមិញ ករណីដ៏កម្រមួយនេះកើតមានឡើងសម្រាប់ប្រជាជននៅ

អាស៊ីអាគ្នេយ៍។ ប្រជាជនអាស៊ីអាគ្នេយ៍គ្មានសិទ្ធិទទួលបានករណីលើក

លែងនេះឡើយ (1) ក្នុងករណីអ្នកទទួលបានលិខិតដកសិទ្ធិអ្នកចេញពីបញ្ជីអន្តោប្រវេសន៍ ឬ (2) ក្នុងករណីអ្នកត្រូវបានគេថ្កោលទោសពីបទ៖

• ពីរឬច្រើនករណីពាក់ព័ន្ធនឹងបញ្ហាក្រមសីលធម៌

• បទឧក្រិដ្ឋព្រហ្មទណ្ឌ

• បទល្មើសពាក់ព័ន្ធនឹងគ្រឿងញៀន (ករណីចាប់ខ្លួនបានរកឃើញមានផ្ទុកសារធាតុញៀនឬកញ្ឆាមិនតិចជាង30ក្រាម)

• បទល្មើសប្រើប្រាស់អាវុធ

អ្នកមានសិទ្ធិទាក់ទងទៅមេធាវីឬក្រុមគ្រួសាររបស់អ្នក ប្រសិនបើអ្នកត្រូវបានគេឃុំខ្លួន

• អ្នកមានសិទ្ធិជួបមេធាវីនៅក្នុងមន្ទីរឃុំឃាំង

• ទូរស័ព្ទផ្ដល់ដំណឹងទៅក្រុមគ្រួសាររបស់អ្នកពីកន្លែងដែលអ្នកត្រូវបានឃាត់ខ្លួន ឈ្មោះពេញ ឈ្មោះផ្សេងៗដែលអ្នកប្រើ ថ្ងៃខែឆ្នាំកំកំណើត និងអត្តលេខរបស់អ្នកក្នុងបញ្ជីការអន្តោប្រវេសន៍)

• អ្នកមានសិទ្ធិរកមេធាវីជួយការពារក្ដីអោយអ្នកនៅក្នុងសវនការមុននឹងសាលក្រមសម្រេចចេញពីតុលាការអន្តោប្រវេសន៍

• ប្រសិនបើអ្នកមានក្ដីកង្វល់អំពីស្ថានភាពអន្តោប្រវេសន៍របស់អ្នក អ្នកគួរតែពិគ្រោះយោបល់ជាមួយមេធាវីជំនាញខាងអន្តោប្រវេសន៍អោយបានច្បាស់លាស់។

• មិនត្រូវស្នើសុំសិទ្ធិចូលសញ្ជាតិ ឬស្នើសុំធ្វើប័ណ្ណស្នាក់នៅអចិន្ត្រៃយ៍ថ្មីលុះត្រាតែអ្នកបានពិគ្រោះប្រឹក្សាយោបល់ជាមួយមេធាវីជំនាញសិន។

• អ្នកគួរទៅតាមកាលវិភាគកំណត់នៅច្រកចូលរបស់អាយស៊ីអ៊ី ឬតាមការកោះហៅពីតុលាការ ប៉ុន្តែហាមទៅទីនោះតែម្នាក់ឯង។ ផ្ដល់ដំណឹងដល់MN8 ឬមេធាវីរបស់អ្នក។

• អ្នកអាចនឹងមានឱកាសខ្ពស់ក្នុងការឈ្នះក្ដី ប្រសិនបើអ្នកមានប្រវតិ្តរូបនិងកេរ្តិ៍ឈ្មោះល្អ រួមទាំងមានសហគមន៍ដែលចាំគាំទ្រអ្នកពីក្រោយខ្នង។

• ត្រៀមផែនការអាសន្នសម្រាប់ខ្លួនអ្នក និងក្រុមគ្រួសារ។

ឯកសារដែលត្រូវយកតាមខ្លួន

• កាតពណ៌ក្រហម ដែលបញ្ជាក់ថាអ្នកគោរពតាមគោលការណ៍រដ្ឋធម្មនុញ្ញសម្រាប់ជនអន្តោប្រវេសន៍នៅលើទឹកដីអាមេរិច

• លេខទំនាក់ទំនងរបស់មេធាវី

• លេខទំនាក់ទំនងផ្ទាល់ទៅកាន់ភ្នាក់ងារអន្តោប្រវេសន៍ប្រចាំតំបន់របស់អ្នក

ឯកសារដែលមិនគួរយកតាមខ្លួន

• អត្តសញ្ញាណប័ណ្ណកុងស៊ុល

• ប័ណ្ណស្នាក់នៅអចិន្ត្រៃយ៍ (Alien Card or Green Card)

• លិខិតឆ្លងដែនក្នុងប្រទេសកំណើត

• កាតសន្តិសុខសង្គម (Social Security)

ផែនការសុវត្ថិភាពដែលអ្នកគួរពិចារណាៈ

• និយាយប្រាប់មនុស្សជាទីស្រឡាញ់របស់អ្នកអំពីបញ្ហាដែលអ្នកជួបប្រទះ ពិភាក្សាបញ្ហានេះជាមួយមនុស្សដែលអ្នកស្និទ្ធិស្នាល និងខ្សែបណ្ដាញផ្សេងៗដែលអ្នកស្គាល់ហើយអាចជួយអ្នកបាន ប្រសិនបើថ្ងៃមួយអ្នកត្រូវបានឃុំខ្លូន។ ឧទាហរណ៍ដូចជា ជំនួយផ្នែកច្បាប់ និងមនុស្សក្នុងសហគមន៍ដែលអ្នក ស្គាល់។

• កំណត់សម្គាល់អ្នកដែលត្រូវទាក់ទងពេលមានហេតុការណ៍អាសន្ន និងត្រូវចាំលេខទួរស័ព្ទរបស់ពួកគេអោយបានច្បាស់លាស់។ ត្រូវប្រាប់ពួកគាត់ថាពួកគាត់ជាបុគ្គលដែលអ្នកនឹងទាក់ទងពេលមានបញ្ហាអាសន្ននានា និងផ្ដល់ព័ត៌មានសំខាន់ទៅពួកគាត់ដើម្បីអោយពួកគាត់អាចជួយអ្នកបាន។

• ស្វែងរកបុគ្គលដែលអ្នកអាចពឹងពាក់បានទាំងស្រុងដើម្បីជួយទំនុកបម្រុងនិងមើលថែសមាជិកគ្រួសាររបស់អ្នកដូចជាកូនៗ សត្វចិញ្ចឹម ឪពុកម្ដាយចាស់ជរា ឬសមាជិកគ្រួសារដែលមានពិការភាព ឬមានបញ្ហាសុខភាពចាំបាច់ផ្សេងៗ។

  • ផ្ដល់ទិន្នន័យបុគ្គលដែលជួយអ្នកក្នុងហេតុការណ៍អាសន្ន ទៅសាលារៀន ឬទារកដ្ឋានរបស់កូនៗអ្នកដើម្បីមានអ្នកទៅទទួលពួកគាត់ពីសាលារៀន

  • មានលិខិតផ្ទេរសិទ្ធិជាលាយល័ក្ខអក្សរទៅបុគ្គលម្នាក់នោះ ក្នុងករណីកូនរបស់អ្នកត្រូវធ្វើការព្យាបាល ហើយបុគ្គលរូបនេះអាចមានសិទ្ធិធ្វើការសម្រេចចិត្តជំនួសអ្នក

  • ផ្ដល់សោរសាគួរផ្ទះរបស់អ្នកទៅគាត់ ប្រសិនបើអ្នកមានសត្វចិញ្ចឹម

• ប្រាប់មនុស្សជាទីស្រឡាញ់របស់អ្នកថា ប្រសិនបើអ្នកត្រូវត្រូបានឃុំខ្លួន សូមអោយគាត់ប្រើកម្មវិធីរបស់អាយ ស៊ី អ៊ី ដើម្បីស្វែងរកអ្នកដែលត្រូវបានឃាត់ខ្លួន តាមរយៈ https://locator.ice.gov/odls/#/search

• ស្នើសុំអោយមានកំណត់ត្រាអន្តោប្រវេសន៍ និងកំណត់ត្រាបទល្មើសរបស់អ្នកផ្ទាល់ តាមរយៈសំណើរ “សិទ្ធិសេរីភាពក្នុងការទទួលបានព័ត៌មាន” (FOIA)។ FOIA ជាច្បាប់មួយតាក់តែងដើម្បីអោយអ្នកមានសិទ្ធិទទួលបានឯកសារច្បាប់ចម្លងផ្លូវការនានា។ ព័ត៌មាននេះអាចជួយមេធាវី ឬក្រុមគ្រួសាររបស់អ្នកសហការជាមួយមេធាវី ក្នុងករណីអ្នកមិនអាចជួយខ្លួនឯងបាន។

• ប្រមូល និងចងក្រងឯកសារទាំងអស់នេះ រួចទុកដាក់នៅកន្លែងមានសុវត្ថិភាព